Rojhilata Navîn
Pezeşkiyan teqezî li ser 'yekîtiya pîroz' kir
Pezeşkiyan pesnê hêzên çekdar ên welatê xwe da û tekez kir ku pêşeroja Îranê bi 'yekîtiya pîroz' a di navbera gel û artêşê de ve girêdayî ye.
RûpelNews - Serokê Îranê Mesûd Pezeşkiyan peyama xwe li ser medyaya civakî parve kir û bang li hêzên çekdar kir û got, "Ez dest û milên hêzên çekdar û parêzvanên dilsoz ên welat maç dikim."
Serokê Îranê bal kişand ser serdema dijwar a ku welat pê re rû bi rû ye û banga yekîtî û hevgirtinê kir.
Di daxuyaniya xwe de, Pezeşkiyan pêşeroja Îranê rasterast bi berxwedana gel û girêdana wan bi artêşê ve girêda û got, "Paşeroja geş a welatê me û siberoja ewle ya zarokên vê axê deyndarê berxwedan, berdewamî û yekîtiya pîroz a gel bi parêzvanên Îranê re ne."