Pervin Buldan banga ronîkirina kuştinên karsazên kurd kirin

RûpelNews - Parlamentera DEM Partiyê Pervin Buldan, serî li Buroya Lêpirsîna Kuştinên Neçareserkirî ya di bin Wezareta Dadê de da, da ku kuştinên karsaz Savaş Buldan, Adnan Yildirim û Haci Karay ên ku di 3ê Hezîrana 1994'an de termên wan hatibûn dîtin bên ronîkirin.

Buldan, di parvekirineke li ser hesabê xwe yê medyaya civakî de wiha got: "Îro, parêzerê me Bişar Alınak banga lêpirsîneke berfireh li ser hemû aliyên kuştinên Savaş Buldan, Adnan Yildirim û Haci Karay kir û xwest ku pêwendiyên siyasî û rêxistinî yên li pişt bûyerê bên ronîkirin."

Pervin Buldan diyar kir ku divê ev doz di çarçoveya dîroka nû ya Tirkiyeyê ya kuştinên siyasî yên neçareserkirî û mijara bêcezayîtiyê de jî were nirxandin û wiha got: "Ev doz ne tenê meseleyeke rabirdûyê ye. Li gorî prensîba serweriya hiqûqê, divê bûyerên wiha bi awayekî bibandor werin lêkolînkirin û rastiya madî derkeve holê."