Ocalan: Pirsgirêka bingehîn nedemokratîkbûna Komarê ye
RûpelNews - Di daxuyaniyê de hat ragihandin ku Ocalan tekez kiriye ku divê hewldanên ji bo dîtina çareseriyê bi çarçoveyeke teng neyên sînordarkirin; wî destnîşan kir ku li ser bingeha hevsengiya hêzê ya li herêmê, geşedanên li Sûriyê, û senaryoyên egera pevçûnê yên têkildarî Îranê sê nêzîkatiyên cuda derketine holê.
Di daxuyaniya xwe ya derbarê hevdîtina ku di 27ê Adara 2026an de li Girava Îmraliyê wekî beşek ji danûstandinên bi Abdullah Ocalan re pêk hat, Şandeya Îmraliyê ya DEM Partiyê destnîşan kir ku pêvajoya aştiyê mijareke pir-alî ye ku divê bi rêya aliyên danûstandinê, vîna demokratîk û berpirsiyariya dîrokî were çareserkirin.
Pêwîstiya amadekirina yasayeke nû
Di daxuyaniyê de her wiha hat destnîşankirin ku, tevî tekezkirina li ser rol û berpirsiyariya ku Meclîsa Mezin a Neteweyî ya Tirkiyeyê di pêvajoyê de girtiye ser xwe, tekezî li ser girîngiya misogerkirina wê yekê hat kirin ku karê ku dê li pey rapora komîsyonê were kirin, bêyî derengî were anîn nav çarçoveyeke yasayî ya berfireh û berhevker.
Hat destnîşankirin ku nirxandinên şandeyê bal kişandine ser wê nêrînê ku divê kanalên diyalogê vekirî bimînin û piştgirî ji siyaseta demokratîk re were kirin, da ku derfetên dîrokî ji dest neyên û îradeya ji bo çareseriyê were xurtkirin. Daxuyaniyê tekez kir ku civakeke demokratîk garantiya paşerojeke hevpar e ji bo hemû gel û baweriyên ku li Tirkiyeyê dijîn.
DEM Partiyê ragihand ku Ocalan wiha gotiye:
“Divê em bi awayekî teng nêzîkî vê pirsgirêka mezin nebin ku em hewl didin çareser bikin. Ji ber ku li ser Rojhilata Navîn planên hegemonîk ên kûr hene. Her çend ligel rewşa xedar a li Sûriyeyê hin pêşketinên erênî hebin jî, niha şerê bi Îranê re di rojevê de ye. Piştî şerê bi Îranê re sê xet derketine holê. Ya yekemîn xeta DYA-Îsraîlê ye. Ya duyemîn bi pêşengiya Brîtanyayê xeta hin hêzên navneteweyî û herêmî ye ku armanca wan parastina statuya heyî ye. Ya sêyemîn xeta demokrasî û jiyana hevbeş e ku em bi rêya Pêvajoya Aştî û Civaka Demokratîk wê xetê diparêzin. Geşedanên li Îranê careke din nîşan da ku pêvajoya ku li Tirkiyeyê tê meşandin mafdar û girîng e.
“Em çareseriya xwe li ser xeta Anatolya-Mezopotamyayê ava dikin. Têkiliya Anatolya-Mezopotamyayê xwedî rehên dîrokî yên kûr e. Yekemîn peymana aştiyê ya mezin di dîrokê de Peymana Kadeşê ye ku di navbera Hîtît û Misriyan de çêbû. Dîroka siyasî ya Rojhilata Navîn a çar hezar salîn nîşan daye ku ewlehiya Anatolyayê bi Rojhilata Navîn û Mezopotamyayê ve girêdayî ye. Entegrasyona demokratîk tê wateya beşdarbûna çanda Mezopotamyayê wekî hebûneke demokratîk.
“Tu pirsgirêka me bi Komarê re tuneye. Pirsgirêka rastîn ev e ku Komar ne demokratîk e. Demokrasî tekane çareserî ye ku dikare Komarê xurt bike.
“Divê nîşankirina şaşî, zêdegavî û meylên dij-demokratîk ên civak û welatan ên di dîrokê de, wekî dijberiya pîroziyan neyê dîtin. Divê bê gotin ku parastina rêbazên asîmîlasyonîst ya bi baweriyeke pozîtîvîst, kirasekî teng e ku li welêt hatiye kirin.
“Weke ku min di banga xwe ya 27ê Sibatê de diyar kir, serdema têkoşîna çekdarî bi dawî bûye. Vegera bo rabirdûyê êdî ne mimkun e. Pêvajoya ku em tê de ne, bi Komara Demokratîk re veguheztinek ber