NATO: Me droneke biyanî li Letonyaye anî xwarê

RûpelNews - Balafireke bêmirov a ku li fezaya hewayî ya Letonyayê hatibû tespîtkirin, ji aliyê balafireke Eurofighter a Îtalyayê ya ku di nav NATOyê de xizmetê dike ve hat xistin.

Wezareta Parastinê ya Letonyayê di parvekirineke li ser hesabê xwe yê X de ragihand ku "balafirên şer ên NATOyê bi serkeftî droneke biyanî ku ji ber çalakiyên şerê elektronîk ên Rûsyayê ketibû nav hewaya Letonyayê, hat xistin."

Tu agahî nehat dayîn ka drona ku li ser herêma Balviyê hatibû dîtin, ya kîjan welatî bû.

NATO: Eurofighterên Îtalya û F-16an a Tirkiye beşdarî operasyonê bûn

Berdevka NATOyê Allison Hart, di parvekirineke li ser hesabê xwe yê X de ragihand ku ji bo lêdana droneke ku di asîmana Letonyayê de hatibû tespîtkirin, Eurofighterên Îtalyayê û F-16yên Tirkiyeyê beşdarî operasyonê bûn. 

Letonya, ku nifûsa wê nêzîkî 1.9 milyon e û endamê NATO û Yekîtiya Ewropayê ye, li rojhilat sînorê wê bi Rûsyayê re heye. Ji ber ku Estonya, Letonya û Lîtvanyayê xwedî ti balafirên şer nîn in, hevalbendên NATOyê bi dorê parastina hewayî ji bo dewletên Baltikê dikin.