Mesrûr Barzanî piştgiriyeke girîng da karkeran: Mûçeyê teqawidî bu 500 hezar dînar
RûpelNews - Wezîrê Kar û Karûbarên Civakî yê Herêma Kurdistanê Qubad Mihemed, di daxuyaniyekê de ragihand ku biryar li gorî biryarnameyeke Serokwezîr Mesrûr Barzanî ketiye meriyetê.
Li gorî biryara fermî ya ku ji aliyê Encûmena Wezîran a Hikûmeta Herêma Kurdistanê ve hatiye weşandin, meaşê herî kêm ê mehane yê xebatkarên sektora taybet dê li ser 500 hezar dînarên Iraqî (nêzîkî 382 dolarên Amerîkî an jî 18 hezar lîreyên Tirkî) were destnîşankirin.
Rêzikname wekî beşek ji biryarên ku di civîna Encûmena Wezîran a di 24ê Hezîrana 2026an de hatibûn girtin, hate pesendkirin.
Li gorî biryarê, Wezareta Kar û Karûbarên Civakî û Wezareta Darayî û Aboriyê hatine erkdarkirin ku ji bo cîbicîkirina wê rêbernameyên pêwîst amade bikin û bi cih bînin. Rêzikname dê bi awayekî fermî piştî weşandina wê di Rojnameya Fermî ya Herêma Kurdistanê de bikeve meriyetê.
Hikûmeta Herêma Kurdistanê diyar kir ku ev biryar li gorî bendên Qanûna Heyî ya Encûmena Wezîran û Qanûna Yekgirtî ya Teqawidî û Ewlehiya Civakî ya ji bo Karkeran hatiye girtin.
Armanca rêziknameyê ew e ku teqawidiya herî kêm a karkerên sektora taybet bigihîne heman asta teqawidiya herî kêm a sektora giştî.