Macron peyamek bi tirkî belav kir: Me bi Erdogan re li hev kir

RûpelNews - Di parvekirineke bi tirkî de li ser hesabê xwe yê Xê, ku tê de Erdogan jî etîket kiribû, Macron got, "Min nû hevdîtinek bi Serokomar Recep Tayyip Erdogan re li dar xist" û wiha lê zêde kir:               

"Ya yekem, me rewşa Rojhilata Nêzîk û Navîn gotûbêj kir; me banga pabendbûna bi agirbestê û cîbicîkirina wê li Lubnanê, parastina azadiya deryayî li Tengava Hurmuzê kir, û tekezî li ser pêwîstiya çareseriyeke dîplomatîk a xurt û mayînde kir.

Me herwiha rewşa li Ukraynayê û hewildanên hevpar ên ku em di çarçoveya Hevpeymana Xwebexşan de dikin ji bo beşdarbûna avakirina aştiyeke adil û mayînde gotûbêj kir. Min tekez kir ku ev aştî divê bi awayekî pêwîst li gorî prensîbên Peymana Neteweyên Yekbûyî be û li ser garantiyên ewlehiyê yên xurt ji bo Ukraynayê ava bibe."

"Min piştgiriya Fransayê ji bo pêvajoya aştiyê dubare kir"

Macron di peyama xwe de wiha got:

"Bi taybetî, bi mebesta Lûtkeya Civaka Siyasî ya Ewropayê ya ku dê di 4ê Gulanê de li Yêrîvanê were lidarxistin, min piştgiriya Fransayê ji bo pêvajoyeke aştiyê ya ku dê li ser bingeha sînorên vekirî û hevkariya herêmî ya xurtkirî serdemeke nû li Kafkasyaya Başûr bide destpêkirin, dubare kir.

Di dawiyê de, me li ser girîngiya berdewamkirina kûrkirina diyaloga xwe û hevkariya dualî li hev kir."