Jiyan
Li Wanê li bazara ajalan şer: 1 mirî, 13 birîndar
Di pevçûneke çekdarî de ku li bazara ajalan a Wanê derket, kesek hat kuştin û 13 kesên din jî birîndar bûn.
RûpelNews - Bûyer di saetên serê sibê de li bazara ajalên zindî ya li ser rêya Wan-Qelqeliyê qewimî.
Li bazarê, ku ji ber Cejna Qurbanê bi taybetî qelebalix bû, di navbera du koman de nakokî derket. Nakokî zû geş bû û veguherî şerê dar, ber û çekan.
Di pevçûnê de kesek hat kuştin û 13 kesên din ji ber guleyan birîndar bûn.
Piştî agahiyên li ser bûyerê, hejmareke mezin ji tîmên polîs û tenduristiyê ji bo herêmê hatin şandin. Birîndar piştî wergirtina alîkariya yekem, bi ambûlansê rakirin nexweşxaneyên cuda yên Wanê.
Di vê navberê de, bazara sewalan, ku tedbîrên ewlehiyê yên berfireh li wir hatibûn girtin, hat girtin. (Çavkanî: DHA)