Li Tehranê herî kêm 460 mirî û zêdetirî 4,000 birîndar hene

RûpelNews - Cîgira Serokê Rêvebiriya Tenduristiya Lezgîn a Tehranê Mehr Soroush ji bo saziya ragihandinê ya giştî IRIB Newsê diyar kir ku di êrîşên ji 28ê Sibatê heta niha de 18 ambûlans û 18 îstasyonên lezgîn ên li paytextê zirar dîtine û ji kar ketine.

Soroush destnîşan kir ku li Tehranê herî kêm 460 kesan jiyana xwe ji dest daye û 4,309 kes jî birîndar bûne.

Tê ragihandin ku vê rewşê bi awayekî cidî pêvajoya dermankirina birîndaran û xizmetên tenduristiyê asteng kiriye.

Li gorî daneyên ji seranserê welêt, hejmara giştî ya miriyan di êrîşan de ji 1,200 kesan derbas bûye û  hejmara birîndaran jî ji 10 hezarî borî ye.

Tê tekezkirin ku wêrankirina ji ber êrîşên hewayî yên ku binesaziya enerjiyê û xalên stratejîk ên li deverên niştecihbûnê yên sivîl dikin armanc, faktora herî mezin a di zêdebûna qurbaniyan de ye.