Li Tarsusê êrîşa çekdarî: 6 hatin kuştin, 8 kes birîndar bûn
RûpelNews - Bûyer di dema firavînê de li herêma Dortler a Taxa Kadelliyê qewimî. Metin O. bi tivingeke nêçîrê bi awayekî bêserûber gule li xwaringeha ku ji aliyê du bira, Sabrî û Samet Pan ve dihat birêvebirin, ku pê re dijminatiya wî hebû, reşand. Fîşekên ji çekê li Sabri Pan, Ahmet Ercan Can, Mehmet T. û çend mişteriyan ketin. Dema ku Metin O. ji cihê bûyerê reviya, piştî agahdariyê tîmên tenduristiyê yên lezgîn û polîs ji bo navnîşanê hatin şandin.
Tîma tenduristiyê ya ku gihişt cihê bûyerê, piştrast kir ku Sabri Pan jiyana xwe ji dest daye. Kesên birîndar bi ambûlansê rakirin nexweşxaneyên nêzîk. Ahmet Ercan Can ê ku di bin dermankirinê de bû, tevî hewldanên bijîjkan nekarî ji mirinê bê xilaskirin. Cenazeyên Pan û Can ji bo otopsiyê rakirin morgê.
Hat zanîn ku Yusuf Oktay, ku wekî şivan tê nasîn, di dema êrîşê de li nêzîkî xwaringehê ajal diçêrand. Cenazeyên Oktay û Koca ji bo otopsiyê rakirin morgê.
Yekîneyên cendirme û polîsan li cihê bûyerê û di nexweşxaneyê de tedbîrên ewlehiyê yên berfireh girtine, di heman demê de hewldanên ji bo girtina gumanbarê reviyayî hem ji hewayê hem jî ji erdê berdewam dikin.
Polîsan operasyonek ji bo girtina gumanbar Metin O. daye destpêkirin. (Çavkanî: DHA)