Li Şamê êrîş: Kuştî û birîndar hene

RûpelNews - Li gorî ajansa nûçeyan a fermî ya Sûriyeyê SANAyê, bombeyeke çêkirî ya ku li ser mînîbusekê hatibû danîn, li taxa Jaramana teqiya.

Televizyona dewleta Sûriyeyê Al-Ekhbariya jî ragihand ku ji ber teqîna wê bombeyê li ser mînîbusa rêwiyan, kuştî û birîndar çêbûne.

Di daxuyaniyeke Wezareta Tenduristiyê de ku ji aliyê Al-Ekhbariyayê ve hat weşandin, hat diyarkirin ku piştî teqînê nexweşxaneyên li herêmê ketine rewşa amadebûna herî bilind.

Di daxuyaniyê de hat destnîşankirin ku heft kesên di teqînê de birîndar bûne li nexweşxaneyê tên dermankirin, di heman demê de parçeyên laşê kesên jiyana xwe ji dest dane jî ji cihê bûyerê tên komkirin.