Li Lubnanê hejmara kuştiyan zêde dibe

RûpelNews - Li gorî hejmarên Wezaretê, 106 xebatkarên tenduristiyê di nav kuştiyan de ne, û 244 karmendên tenduristiyê jî birîndar bûne.
Di daxuyaniya xwe ya berê de, Wezareta Tenduristiyê ragihandibû ku di êrîşan de 2,759 kesan jiyana xwe ji dest dane.

Şer berdewam dike

Artêşa Îsraîlê di 2'yê Adarê de êrîşên hewayî yên dijwar birin ser başûrê Lubnanê. Hikûmeta Lubnanê diyar kiriye ku hejmara kesên ji ber şer li nav welêt koçber bûne ji milyonekî derbas bûye.

Trum gotibû agirbest hatiye dirêjkirin

Serokê Amerîkayê Donald Trump ragihandibû ku agirbesta demkî ya 10-rojî ya di navbera Lubnan û Îsraîlê de, ku di 17ê Nîsanê de ketibû meriyetê, sê hefteyan hatibû dirêjkirin.
Tê ragihandin ku tevî agirbestê jî, êrîşên Îsraîlê yên li ser başûrê Lubnanê berdewam dikin û Hîzbulah jî bi heman awayî bersivê dide.