Tirkiye
Li Edeneyê erdhejê rûda
Di saet 04.02an de, erdhejek bi mezinahiya 5 pileyî li pîvana Rîxterê li navçeya Saîmbeylî ya Edeneyê qewimî. Hejîn ne tenê li Edeneyê, lê herwiha li Mereş, Osmaniye, Kayseri û Dîlokê jî hat hîskirin.
RûpelNews - Li gorî daneyên AFADê, piştî erdheja ku di kûrahiya 7 kîlometreyan de çêbû, tu raporên zirarê nehatin wergirtin.
AFAD: Lêkolînên meydanî berdewam in
AFADê ragihand ku, heta niha, piştî erdhejê ti rewşeke nebaş çênebûye. Di parvekirineke li ser hesabê medyaya civakî yê saziyê de hat gotin ku karên lêkolînên meydanî berdewam in.