Cîhan
Li Çînê kana komirê teqiya: 82 karker mirin
Li Çînê di kana komirê de teqîn çêbû. 82 karker jiyana xwe ji dest dan.
RûpelNews - Li kana komirê ya li navçeya Çinyuen a li bajarê Çangciyê ji ber gazê teqîn çêbû.
Li gorî agahiyên destpêkê, li kanayê ku 247 karker dixebitiyan, 82 karker jiyana xwe ji dest dane.
Ji bo rizgarkirina karkerên ku di bin enqazan de asê mane tîmên lêgerînê xebatên xwe didomînin. Metirsî ew e ku hejmara miriyan zêde bibe.
Serokê Çînê Şi Cinping banga lêpirsîneke berfireh û darizandina berpirsên bûyerê kir.