Cîhan
Li Amerîkayê balafireke biçûk ket nav avê: 4 kes mirin
Li herêma Alaskayê ya Dewletên Yekbûyî ya Amerîkayê (DYA) balafireke piçûk ket nav avê, çar kesan jiyana xwe ji dest dan.
RûpelNews - Desthilatdaran diyar kirin ku balafira cûreyê Piper PA-24, a ku ji Anchorage rabûbû, ji ber sedemên ku hêj nayên zanîn li herêma Seldovia ketiye nav avê.
Hat ragihandin ku her çar kesên di balafirê de jiyana xwe ji dest dane û termên wan hatine derxistin.
Desthilatdaran destnîşan kirin ku lêpirsînek ji bo destnîşankirina sedema qezayê berdewam dike.