Li Amedê operasyon: 25 kes hatin desteserkirin

RûpelNews - Li gorî zanyariyan, li Amedê û bajarên din operasyoneke mezin li dijî toreke organîze ya ku welatî bi hinceta randevûyên kontrola wesayîtan xapandibûn, meşand. Di encama operasyona hevdem a ku li 14 parêzgehên bi navenda Amedê de hat kirin, 25 kes hatin girtin.

Sextekariyeke mezin bi malperên sexte

Piştî lêpirsîneke dirêj, tîmên Rêveberiya Şaxa Ewlehiya Amedê, torêk ku welatî bi rêya malperên sexte yên ku xizmetên kontrola wesayîtan ên TUVTURKê teqlîd dikirin, dixapandin, ji holê rakirin. Gumanbaran bi rêya malperên sexte û xetên telefonê yên ku wan saz kiribûn, bi soza "dayîna deynan" dixapandin.

Qebareya danûstandinê 810 milyon TL, zirar 1 milyon TL

Lêpirsînan eşkere kir ku şebekeyê bi giştî 23 kiryarên cuda pêk anîne, ku qebareya danûstandinê ya gumanbar 810 milyon TL bû. Zirara darayî ya ku hat tespîtkirin wek 1 milyon 145 hezar û 159 TL hate tomarkirin.

Operasyonên hevdem li 14 parêzgehan

Operasyon, ku navenda wê li Amed bû, bi heman demê de li Stenbol, Kocaelî, Wan, Îzmir, Antalya, Ordu, Konya, Sakarya, Yalova, Erzurum, Hatay, Enqere û Edeneyê hate meşandin.

Dest danîn ser mil malên gumanbaran

Li ser biryara dadgehê, du milk, sê otomobîl û hesabên bankê yên bi nirxê giştî 8 milyon 430 hezar TL yên girêdayî gumanbaran hatin desteserkirin.