Li 28 bajar an li dijî DAIŞê operasyon
RûpelNews - Li gorî daxuyaniya Wezaretê, operasyon ji aliyê Fermandariyên Cendirmeyan ên Parêzgehan ve, di bin koordînasyona Beşa Têkoşîna li Dijî Terorê (TEM) ya Fermandariya Giştî ya Cendirmeyan û Ofîsên Serdozgeriya Komarê de hatin pêkanîn.
Hat ragihandin ku operasyon li van bajaran pêk hatin: Adana, Adıyaman, Afyonkarahisar, Agirî, Aksaray, Amasya, Enqere, Antalya, Burdur, Bursa, Çankırı, Denizli, Amed, Elazîz, Dîlok, Hatay, Stenbol, Kayseri, Kırşehir, Meletî, Mersin, Mugla, Nigde, Osmaniye, Sakarya, Samsun, Riha û Tokat.
Wezaretê diyar kir ku tawanên derbarê gumanbarên hatine girtin de ev in: endamtiya DAIŞê, dabînkirina piştgiriya darayî ji bo rêxistinê bi rêya kesan û rêxistinên bi navê alîkariyê yên girêdayî komê, û belavkirina propagandaya rêxistinê bi rêya medyaya civakî.
Ji bilî 83 gumanbaran, di operasyonan de hejmareke girîng a belgeyên rêxistinî û materyalên dîjîtal jî hatin desteserkirin.
Wezareta Karên Hundir ragihand ku operasyonên li dijî pêkhateyên operasyonel û darayî yên DAIŞê dê berdewam bikin.