Tirkiye
Kurtulmuş: Ji bo ku pêvajo temam bibe divê yasa bêne serastkirin
Serokê Parlementoya Tirkiyeyê Numan Kurtulmuş, destnîşan kir ku ji bo pêvajo bigihe armanca xwe, divê saziyên ewlehiyê mekanîzmayên kontrolê yên şefaf bi cih bînin, û li pey wê jî guhertinên yasayî yên pêwîst li Parlemtoyê bên pesendkirin.
RûpelNews - Kurtulmuş, ku amaje bi derengketinên di pêvajoya bêçekkirinê de kir, ragihand ku ew ê rewşa heyî bi Serokê MITê Îbrahîm Kalin re binirxîne.
Kurtulmuş destnîşan kir ku pêşketina di entegrasyona PYDê de bo nav rêveberiya Sûriyê û têkçûna di pêkanîna projeya çekdarkirina PJAKê de bi awayekî erênî bandor li pêvajoyê kiriye, û got, "Ji bilî danîna çekên xwe, tu alternatîfa PKKê ya din nîne."
Kurtulmuş, tekezî li ser wê yekê kir ku şert û mercên herêmî guncaw in û diyar kir ku temamkirina serkeftî ya pêvajoyê dê ji bo nifşên paşerojê destkeftiyeke girîng be.