Ji ber aloziyên li Tengava Hurmizê nirxê petrolê bilind bû
RûpelNews - Aloziya piştî îdiayên êrîşên dualî li Tendava Hurmizê, ku beşeke girîng a dabînkirina neft û gaza xwezayî ya cîhanî jê derbas dibe, zêde bû. Nirxê neftê ya Brent di danûstandinên roja Pêncşemê de heta ji sedî 7.5 zêde bûn, lê serê sibêya Înê dema ku bazarên Asyayê vebûn, di bihayeyan de kêmbûneke sînordar hat dîtin. Vê sibehê, petrola xam a Brent bi 101.12 dolarî ji bo her bermîlekê dihat firotin.
Îran û Amerîkayê êriş kirin
Fermangeha Navendî ya Amerîkayê (CENTCOM) ragihand ku wê wek bersiv li hember êrîşên ku bi mûşek, dron û keştiyên bilez ên Îranê hatine kirin, operasyonek daye destpêkirin. Lêbelê, aliyê Îranê, Amerîkayê tawanbar kir ku bi armancgirtina keştiyeke tanker a petrolê û keştiyeke din, agirbest binpê kiriye.
Fikarên derbarê dabînkirina enerjiyê de bandor li bazarên cîhanî kirine
Digel ku Serokê Amerîkayê Donald Trump ragihand ku agirbest tevî pevçûnan jî berdewam dike, medyaya fermî ya Îranê Press TV jî eşkere kir ku rewşa li herêmê vegeriyaye ser asayîbûna xwe. Lêbelê, hatiye ragihandin ku di mehên dawî de ji ber gefên li ser ewlehiya tankeran, çûnûhatina deryayî li Tengava Hurmizê bi giranî hatiye astengkirin.
Tê ragihandin ku her ku fikarên li ser dabînkirina enerjiyê zêde bûne, bihayên petrolê li gorî astên beriya şer bi qasî ji sedî 40 bilind bûne. Aloziyên zêde di bazarên cîhanî de jî hatine xuyakirin. Borsayên li Japonyayê, Koreya Başûr û Hong Kongê roja dawî ya bazirganiyê ya hefteyê bi daketinê dest pê kirin, di heman demê de îndeksa S&P 500 a li Amerîkayê jî roj bi zirarekê bi dawî kir.