Ji Amerîkayê pêngaveke 1,15 trîlyon dolar budçe: Piştgiriya Pêşmerge û HSDê dê berdewam bike

RûpelNews - Li gorî pêşnûmeqanûnê, piştgiriya leşkerî û darayî ya ku DYA dê bide Hêzên Pêşmergeyên Kurdistanê, ji derveyî sînordarkirin û şertên budceyê yên ku li ser hêzên ewlehiyê yên Iraqê hatine danîn e.

Her çend alîkariya ewlehiyê ji bo Iraqê heta dawiya sala 2027an hatiye dirêjkirin jî, beşeke girîng a fînansmanê bi bêçekkirina milîsên çekdar û xurtkirina kontrola hikûmeta navendî ya li ser ewlehiyê ve girêdayî ye.

Piştgiriya ji bo HSDê hate dirêjkirin

Pêşnûmeqanûn her weha piştgiriya perwerdehî, amûr û operasyonel a ku ji aliyê DYA ve ji bo HSDê wekî beşek ji şerê li dijî DAIŞê tê dayîn, heta dawiya sala 2027an dirêj dike.

Gemaroyên li dijî Îranê tên berfirehkirin

Pêşnûmeqanûn ambargoyên li dijî Îranê di sektorên parastin û teknolojiyê de berfireh dike, di heman demê de bikaranîna madeyên xav ên ji Îranê û teknolojiyên pêşketî di pîşesaziya parastinê ya DYAyê de qedexe dike.

Pêşnûmeqanûn hêj neketiye meriyetê. Ji bo ku bikeve meriyetê, divê ji aliyê Senatoyê ve were pejirandin û paşê ji aliyê Serokê DYAyê Donald Trump ve were îmzekirin.