Iraqê biryara qerebûkirina kesûkarên şehîdan da
RûpelNews - Encûmena Wezîran a Iraqê biryar da ku çavkaniyên darayî ji bo dayîna qerebûyê ji malbatên kesên ku di êrîşên dronan de li dijî Herêma Kurdistanê şehîd bûne, veqetîne.
Serokwezîrê Iraqê Mihemed Şiya el-Sudani duh serokatiya rûniştina 17emîn a asayî ya Encûmena Wezîran a Iraqê kir.
Kabîneyê biryar da ku ji bo qerebûkirina ji malbatên kesên ku di êrîşên dronan de li dijî Herêma Kurdistanê şehîd bûne, çavkaniyên darayî veqetîne.
Derbarê biryara nû de daxuyaniya fermî
Li gorî daxuyaniyeke ku ji aliyê Ofîsa Serokwezîrê Iraqê ve hatiye weşandin, biryara herî berbiçav a ku di civînê de hat dayîn wiha hate diyarkirin:
“Biryar hatiye dayîn ku ji bo malbatên kesên ku di êrîşên leşkerî yên dawî yên li ser axa Iraqê de jiyana xwe ji dest dane û yên birîndar bûne, tevî welatiyên Herêma Kurdistanê, wek qerebûya darayî were dayîn.”
Encama êrişên Îranê
Hikûmeta Herêma Kurdistanê ragihandibû ku ji 28ê Sibatê ve, ango ji dema destpêkirina şerê di navbera Amerîka, Îsraîl û Îranê ve, li dijî Herêma Kurdistanê 809 êrîş hatine kirin û di encama van êrîşan de 20 kes şehîd bûne û 123 kes jî birîndar bûne.