Rojhilata Navîn
Îranê piştî gotinên Trump gefa lêdana baregehên Amerîkî xwar
Tehranê gefên tund li Amerîkayê xwarin. Serokê Parlamentoyê Mihemed Qalîbaf diyar kir ku eger Amerîka destwerdanê bike, hemû baregehên wan ên li herêmê dê bibin hedefên meşrû.
EuronuNews- Serokê Amerîkayê Donald Trump roja înê ragihandibû, "Eger Îran xwepêşanderên aştîxwaz gulebaran bike û bi awayekî hovane bikuje ku ev edeta wan e Amerîka dê bi hawara wan ve biçe."
Trump herwiha got: "Em bi çek û cebilxaneyên xwe amade ne û em amade ne bikevin tevgerê. Spas ji bo guhdana we ya ji bo vê mijarê!"
Rayedarên Îranî, wek Elî Larîcanî û Îsmaîl Baqayî, daxuyaniyên Trump wekî "macereyekê" bi nav kirin û destwerdan wek xeta sor pênase kirin. Hate ragihandin ku her cure êrîşek dê agir berde herêmê û berjewendiyên Washingtonê têk bibe.
Li aliyê din, di xwenîşandanên li Îran û Rojhilatê Kurdistanê de heta niha 7 kesan can daye. Serokomarê Îranê Mesûd Pizîşkiyan bang kir ku pirsgirêkên aborî neyên piştguhkirin û tenê aktorên derve neyên sûcdarkirin.