Îranê ji bo danûstandinên bi DYA re merc da pêş

RûpelNews - Di daxuyaniyekê de ji bo televîzyona dewleta Îranê, Wezîrê Derve yê Îranê Ebas Arakçî li ser peywendiyên bi DYAyê re û rewşa li Tengava Hurmuzê şîrove kir.

Arakçî destnîşan kir ku pevguhertina peyaman di navbera Tehran û Washingtonê de bi rêya navbeynkaran berdewam dike, lê got ku ev yek danûstandinên fermî pêk naîne.

Arakçî got, " Em niha ti danûstandinan bi DYAyê re nakin. Peyam bi rêya navbeynkaran tên pevguhertin, lê ev nayê binavkirina wekî danûstandinan" û lê zêde kir ku navbeynkar hewlên xwe didomînin da ku careke din di navbera aliyan de xaleke hevpar ava bikin.

"Divê DYA binpêkirinên ku kirine telafî bike"

Arakçî diyar kir ku, ji bo danûstandin ji nû ve dest pê bikin, divê DYA sozên xwe yên di bin lihevkirinê ya berê de pêk bîne.

Wezîrê Îranî diyar kir, "Heya ku binpêkirinên memoranduma lihevkirinê berdewam bikin û DYA wan pirsgirêkên ku di memorandûmê de binpê kirine sererast neke, ne mimkun e ku danûstandin ji nû ve dest pê bikin."

Mercên derbarê Tengava Hurmuzê de ji DYAyê re hatine ragihandin

Her wiha amaje bi danûstandinên bi Omanê re yên derbarê Tengava Hurmuzê de kir, Arakçî tekez kir ku peymaneke muhtemel a di navbera Tehran û Muscatê de dê bixweber nebe sedem ku tengav ji bo çûnûhatina keştiyan were vekirin.

Arakçî got, "Danûstandinên ku em bi Omanê re dikin nayên wê wateyê ku Tengava Hurmûzê dê were vekirin" û lê zêde kir ku ji bo vê yekê pêk were divê şertên din jî bên bicihanîn.

Arakçî eşkere kir ku şertên ji aliyê Îranê ve ji bo ji nû ve vekirina Tengava Hurmûzê hatine danîn, bi rêya navbeynkaran ji aliyê Amerîkayê re hatine ragihandin.