Îranê hinaredeya gaza sirûştî bo Tirkiyeyê rawestand

RûpelNews - Piştî ku Amerîka û Îsraîlê şer li dijî Îranê ragihandin, Îranê ji ber êrîşa ku hefteya borî ji aliyê Îsraîlê ve li ser koka gaza Pars a Başûr hatibû kirin, hinardekirina gaza sirûştî ya ji bo Tirkiyeyê rawestand.

Her çiqas dema vê qutbûna dabînkirina gaza Îranê ne diyar be jî, çavkaniyên ku ji Bloomberg re axivîn diyar kirin ku Tirkiye ji dabînkerên xwe yên sereke, Rûsya û Azerbaycanê, gazê distîne û stokên wê têra wê hene.

Ji sedî 14 yê pêdiviyên gaza sirûştî ji Îranê hat dabînkirin

Li gorî daneyên ku ji aliyê Komeleya Belavkerên Gaza Sirûştî ya Tirkiyeyê (Gazbir) ve hatine berhevkirin, Tirkiyeyê par nêzîkî ji sedî 14ê pêdiviyên xwe yên gaza sirûştî ji Îranê dabîn kiriye.

Îsraîlê di 18ê Adarê de êrîşî Kêla Pars a Başûr, ku mezintirîn kêla gaza cîhanê ye, kir. Tehranê jî, di berdêla vê de, li dijî tesîsên enerjiyê yên li Kendavê, di nav de tesîsa Ras Laffan a li Qeterê, ku nêzîkî pêncînek ji dabînkirina gaza sirûştî  ya şilkirî ya cîhanî hildiberîne, bersiv da.

Ev êrîş bûn sedem ku peymanên pêşerojê yên gaza Ewropayê bigihîjin astên ku di sê salên borî de nehatibûn dîtin. Bihayên niha ji astên beriya şer ji sedî 70 zêdetir in.