Îranê bi tawanbariya 'xiyanetê' dest danî mal û milkê xelkê!

RûpelNews - Berdevkê Dadweriya Îranê Asgar Cihangir ragihand ku heta niha mal û milkên zêdetirî 200 kesan ji ber tohmetên 'xiyanetê' hatine desteserkirin.

Li gorî raporeke televîzyona dewletê ya Îranê, Cihangir derbarê kesên ku mal û milkên wan li welêt hatine desteserkirin de daxuyanî da.

Cihangir, diyar kir ku heta niha mal û milkên zêdetirî 200 kesan ji ber tohmetên "xiyanetê" hatine desteserkirin, destnîşan kir ku lêpirsînên li ser mal û milkên kesên din ên ku bi heman tohmetan re rû bi rû ne jî berdewam dikin.

Cihangir got; dadwerî dê xebata xwe heta ku di derbarê van dozan de encameke dawî were bidestxistin, bidomîne.