Rojhilata Navîn
Îran: Plana me ya danûstandinê nîne
Berdevkê Wezareta Derve ya Îranê Îsmaîl Bekayî diyar kir ku pêvajoyeke nû ya danûstandinan bi Amerîkayê re di rojeva wan de nîne û got, "Em niha li ser parastinê ne."
RûpelNews - Li gorî Ajansa Nûçeyan a nîv-fermî Tasnim, Îsmaîl Bekayî, berdevkê Wezareta Derve ya Îranê û tîma danûstandinan, li ser perspektîfa pêvajoyeke danûstandinan bi Amerîkayê re şîrove kir.
Bekayî got, "Niha ti planên me ji bo danûstandinan nînin; em li ser parastinê ne. Peyman pakêtek ji erkên hevbeş e. Ger aliyê din peymanê binpê bike, em jî dê ji bicihanîna erkên xwe dûr bisekinin. Ev prosedûra damezrandî ye, û em ê li gorî wê tevbigerin."
Berdevkê Îranê her wiha destnîşan kir ku hêzên çekdar ên welatê wî bi awayekî cur bi cur bersiva her êrîşeke li dijî Îranê didin.