Îran ji bo Tengava Hurmuzê daxwaza qerebûyê dike

RûpelNews - Îranê ji ber zirara jîngehê ya ku ji ber rijandina petrolê di dema şerê bi DYA û Îsraîlê re li Kendava Besra û Deryaya Omanê çêbûye, daxwaza qerebûyê kir.

Berdevkê Wezareta Karên Derve ya Îranê Îsmaîl Bekayî, diyar kir ku rêveberiya Tehranê dê li hember bandora şer a li ser jîngehê bêxem nemîne û lê zêde kir ku divê ji bo zirara çêbûyî were qerebû kirin.

Qadeke bi rûbera 3.2 hektarî li Girava Kîşê qirêj bûye.

Rêxistina Parastina Jîngehê ya Îranê her wiha ragihand ku qirêjiya petrolê li seranserê peravên Girava Kîşê yên li Tengava Hurmuzê hatiye tespîtkirin.

Li gorî televîzyona dewleta Îranê, Cîgirê Serokê Rêxistina Parastina Jîngehê Mihemed Riza Lahicanzade, ragihand ku qirêjî gihîştiye peravên Suza, Şîbderaz û Neqaşe, her wiha daristanên mangrove û beşek ji Girava Hengamê.

Encamên destpêkê nîşan didin ku qirêjî bi qasî 3.2 hektar ji peravê bandor kiriye. Lahicanzade diyar kir ku petrol ji deryayê hatiye û ji aliyê herikîn û bayên monsûnê ve ber bi peravê ve hatiye kişandin.

Herwiha deverên hêlînên kîsoyan jî bandor dîtine

Hat destnîşankirin ku qirêjî gihîştiye peravên Şîbderazê, ku ji bo kîsoyên deryayê jîngeheke sereke û devera hêlînkirinê ye. Hat ragihandin ku operasyonên paqijkirinê li herêmê bi baldariyeke mezin tên meşandin da ku zirar negihîje kîsokan û hêlînên wan.

Di dema pevçûnan de tankeran jî zirar dîtibûn

Îranê di dema şerê ku di 28ê Sibatê de piştî êrîşên DYA û Îsraîlê dest pê kir, Tengava Hurmuzê li ser keştiyan girtibû. Hat ragihandin ku di pevçûnên li herêmê de hejmareke mezin a tankerên petrolê zirareke giran dîtine.

Her çend rayedarên Îranê heta niha çavkaniya teqez a rijandina petrolê ya niha eşkere nekirine jî, hikûmeta Tehranê zirara jîngehê bi bûyerên ku di dema şer de li herêmê qewimîn ve girê dide.