Rojhilata Navîn
Îran: Du keştiyên Amerîkî û 18 keştiyên din li Tengava Hurmizê bûn armanc
Sûpaya Pasdarên Îranê ragihand ku, wek bersivdayîna êrîşên Amerîkayê yên li ser pênc keştiyên tangêrên Îranî, du keştiyên Amerîkî, heşt tangêr û deh keştiyên din li Tengava Hurmizê hatine armancgirtin.
RûpelNews - Li gorî Ajansa Nûçeyan a Mehr a nîv-fermî ya Îranê, di daxuyaniyeke nivîskî ya Yekîneya Çapemenî û Têkiliyên Giştî ya Sûpaya Pasdaran de hat gotin ku li Tengava Hurmizê bersiv li êrîşên artêşa Amerîkayê yên li ser pênc tangêrên Îranê hatiye dayîn.
Di daxuyaniyê de hat îdiakirin ku du keştiyên Amerîkî û heşt tangêr li Tengava Hurmizê hatine armancgirtin û zirareke mezin dîtine.
Aliyê Îranî her wiha ragihand ku 10 keştiyên din jî, ku li gorî îdiaya wan hewl didan bi teşwîq û piştgiriya artêşa Amerîkayê ji "herêma qedexe" ya li Tengava Hurmizê derbas bibin, ew jî hatine armancgirtin.
"Kontrola Hurmizê di destê me de ye"
Sûpaya Pasdaran îdia kir ku kontrol û çavdêriya Tengava Hurmizê di destê hêza deryayî ya wan bi xwe de ye.