Rojhilata Navîn
Îdia: Îranê navgîneke hewayî ya Amerîkayê êxist
Televîzyona dewletê ya Îranê ragihand ku li bajarokê Cem, li parêzgeha Buşehrê li peravên Kendava Besrayê, dengekî teqînê hat bihîstin. Di weşanê de hat gotin ku ev deng di dema mudaxeleyeke sîstemên parastina hewayî de li dijî "balafirên dijmin" çêbûye.
RûpelNews - Parêzgerê Navçeya Cem, Mesûd Tengistanî, di axaftina xwe ya ji bo televîzyona dewletê de ragihand ku balafirek ji aliyê Hêzên Çekdar ve li esmanên ser bajarokê hatiye xistin. Tengistanî got ku piştî bûyerê rewşa li herêmê aram maye.
Ajansa Nûçeyan a Fars: Balafir li Kendava Besrayê ket
Ajansa Nûçeyan a Farsê her wiha, bi îşaretkirina çavkaniyên li herêmê, ragihand ku sîstemên berevaniya hewayî li ser Kendava Besrayê li balafirekê xistine û ew balafir ketiye deryayê.
Her çend hin raporên di çapemeniya Îranê de îdia kirin ku balafira hatî xistin a Amerîkayê ye, derbarê mijarê de ti piştrastkirineke fermî nehatiye dayîn.