Hêştirên bi 'botoks' ji pêşbirka bedewiyê hatin derxistin

RûpelNews - Pêşbirkên bedewiya hêştiran di çar kategoriyên sereke de tên organîzekirin: pûrt, stû, ser û qopik.

Tevahiya pereyê xelatê yê ku li pêşbirkê tê belavkirin digihîje 66 milyon dolarî.

Li gorî raporteke Vice, di pêşbirka bedewiya hêştiran a sala 2026an de li El Musana 20 hêştir ji pêşbirkê hatin derxistin. Lewra beytaran destwerdanên 'kozmetîk' li ser hêştiran tespît kirin. 

Muayeneyê eşkere kir ku dewar bi botox, dagirtin (fillers), sîlîkon û werimandina qopikê hatibûn dermankirin. Lêvên ajalan hatibûn werimandin û pozên wan bi dagirtin û sîlîkonê hatibûn çêkirin. Wekî din, qopikên hinek ji wan bi mûma sîlîkonê hatibûn werimandin.

Her wiha di raporta Forbesê de hat diyarkirin ku ev ne skandala yekem bû û hinek kesan ji berê jî ji bo ku dewarên wan di pêşbirkê de bi ser bikevin, sextekarî kiribûn. 

Wek mînak, di sala 2018an de, duwazde hêştirên ku lêvên wan hatibûn dagirtin, ji pêşbirkekê li Erebistana Siûdî hatin derxistin. 

Rêvebirên pêşbirkê wiha axaftin: "Em bi biryar in ku dawî li hemû kiryarên sextekarî û xapandinê yên di bedewkirina hêştiran de bînin."