Gurlek û Çîftçî li ser doza Gulistan Dokuyê daxuyanî belav kir
RûpelNews - Wezîrê Dadê yê Tirkiyeyê Akın Gurlek û Wezîrê Karên Hundir Mustafa Çîftçî li ser hesabên xwe yên medyaya civakî derbarê doza Gulistan Doku de, ku piştî 6 salan ji nû ve hate vekirin, daxuyanî dan.
Gurlek diyar kir ku her îdiayek bi ciddî tê girtin û ev tişt got:
"Xebata ku di çarçoveya lêpirsîna Gulistan Doku de tê kirin, bi hevrêziya xurt a hemî saziyên dewleta me bi baldarî tê berdewam kirin.
Li gorî prensîba ku tu kes an desthilatdarî li ser qanûnê nîne, her îdiayek bi ciddî tê girtin; pêvajoyên dadwerî û îdarî bi hevdemî û bi bandor têne meşandin.
Di bin serokatiya Serokê me Birêz Erdogan de; em ê bi biryardarî her gava pêwîst bavêjin da ku 'Sedsala Tirkiyeyê' bibe sedsala edaletê."
Wezîr Çîftçî piştgirî pêşkêş dir
Wezîrê Karên Hundir ê Tirkiyê Mustafa Çîftçî, li ser hesabê xwe yê X de diyar kir ku lêpirsîn bi baldarî tê birêvebirin û wiha domand:
"Cîgirên Wezîrên Karên Hundir û Dadê yên me îro li Tunceliyê bi sazî û rayedarên peywendîdar re civiyan.
Fermandariya Giştî ya Cendermeyan di çarçoveya hewldanên lêgerînê yên berdewam de piştgiriya teknîkî û lojîstîkî peyda dike.
4 mufetîşên sereke yên rêveberiya sivîl û 2 mufetîşên sereke yên polîsan bi baldarî lêkolîn dikin ka gelo ji aliyê rayedarên wê serdemê ve, hem di rêveberiya sivîl de û hem jî di hêzên ewlehiyê de, ti îhmalkarî hebûye.
Em ê bi biryardarî pêvajoyê heta dawiyê bidomînin da ku hemî aliyên rastiya konkret eşkere bikin, bêyî ku ti îdiayek bêbersiv bihêlin û bêyî ku ti îhmalkarî paşguh bikin."