Gundê 700 salî: Xaniyên ji kevir, kûçeyên teng...

RûpelNews - Gundê Cumalikizik a li navçeya Yildirim a Bursayê ku dîroka êw digihije 700 sal berê bi kuçeyên xwe yên kevirî, xaniyên bi eywanên xwe yên nûwaze yek ji mînakên herî girîng ên mîrateya çandî ye ku mîmariya xwe ya dîrokî jî heta roja îroyîn parastiye.

Gava ku geştyar di nav kuçeyên wê yên teng de digerin, ew di nav xaniyên bi sedsalan de vedigerin demên berê, di heman demê de şêwaza jiyanê ya kevneşopî ya ku hîn jî li gund tê jiyîn, wisa dike ku ev atmosfera dîrokî zindî bimîne.

Li gorî ragihandina rojnamevan Emrah Çaçan bo RûpelNewsê, Cumalıkizik ku di sala 2014an de li Lîsteya Mîrateya Cîhanî ya UNESCOyê hate zêdekirin ne tenê yek ji cihên herî girîng ên Bursayê ye, lê di heman demê de yek ji warên gir^ng ên çandî yê li Tirkiyeyê ye.

Gundê biçûk û dîrokî salane mazûbantiya bi sed hezaran geştyaran dike. Bi taybet demsala havîn û biharê liv û tevgera li gund zêdetir dibe.