Gelo Ronaldo ji ber şerî Erebistana Siûdî terikand?

RûpelNews - Hat îdiakirin ku lîstikvanê Al-Nassrê Cristiano Ronaldo, ji ber şerê li Rojhilata Navîn, bi malbata xwe re ji Erebistana Siûdî terikand.

Nûçeyên amaje kir ku lîstikvanê portekîzî bi balafira xwe ya taybet ji Erebistana Siûdî derketiye, demildest bûn sernûçeyên navneteweyî.

Lêbelê, çapemeniya Erebistana Siûdî û klûbê bersiv dan van îdiayan. Li gorî raporteke rojnameya Okaz a ku navenda wê li Erebistana Siûdî ye, Ronaldo li Riyadê ye û rahênana xwe li tesîsên klûbê didomîne.

Di raporê de hat gotin ku Ronaldo duh piştî nîvro li tesîsên Al-Nassr bû û ji ber êşa xwe çû klînîkek tenduristiyê.

Ew di maça dawî de seqet bûbû

Hat agihandin ku Ronaldo di maça Al-Fayha de, seqet bûbû û ji lîstikê derketibû.

Hat ragihandin ku asta seqetiya lîstikvanê portekîzî hîn ne diyar e û ka gelo ew dê bikaribe di maça li dijî Neom de di 7ê Adarê de bilîze, dê piştî nirxandinan were diyarkirin.

Berpirsekî Al-Nassrê ku ji Okaz re axivî, got ku Ronaldo piştî rahênanê li tesîsan beşdarî danişînên fîzyoterapî û rahênanên takekesî dibe.