Gelo hilbijartin dê kengê werin kirin? Di 2027an de an 2028an de?
RûpelNews - Li gorî Selvî, eger hilbijartin di Mijdara 2027an de were lidarxistin, divê sererastkirinên yasaya hilbijartinê herî dereng heta Cotmeha 2026an werin kirin; ji bo vebijêrka Adara 2028an, divê ev yek heta Sibata 2027an were kirin.
Selvî, ku destnîşan kir ku her ku salnameya hilbijartinê nêzîk dibe lêgerîna lihevhatinên hilbijartinê dê bileztir bibe, anî ziman ku pêşbaziya di navbera CHP û Yenî Partiyê de (Partiya Nû) ka gelo DEM Partî namzedekê derdixe an na û namzedê hevpar ê opozîsyonê dê di encama hilbijartinê de biryarder bin.
"Rikberê sereke yê partiya desthilatdar buhabûn e"
Her çend Selvî pêşbînî kir ku Serokomar Recep Tayyip Erdogan ji bo hilbijartinê favorî ye, wî diyar kir ku hevrikê rastîn ê hikûmetê buhabûn e.
Li gorî daneyên Lêkolîna ASALê yên ku ji aliyê Selvî ve hatine destnîşankirin, Erdogan ji sedî 48.1, Ozgür Ozel ji sedî 12.5, Mansur Yavaş ji sedî 6.5 û Ekrem İmamoglu ji sedî 3.9 piştgirî wergirtine.
Selvî her wiha destnîşan kir ku divê hikûmet beriya hilbijartinê ji bo çareserkirina zehmetiyên aborî yên teqawîtan, kesên bi meaşê herî kêm û xwediyên karsaziyên piçûk gavên pêwîst biavêje.