'Ew welat' wê ji ber afîsên Erdogan qanûn biguhere!

PeyamaKurd – Li Almanyayê ji ber posterên Erdogan ên beriya hilbijartinên Serokkomariyê ku tûra yekemîn di 14ê Gulanê de û tûra duyemîn di 28ê Gulanê de hat kirin de, li Nurnberg a Almanyayê hatin daliqandin, li Almanyayê guhertinên qanûnî tên kirin.

Alîgirên AKPê yên li Almanyayê, ku afîşên Erdogan ên bi nivîsa "Dema rast, mirovê rast" amade kirin, 800 Euro wek xercê îstîfadeyê dan Şaredariya Nurnbergê. Ev afîş li nêzî stasyona trenê jî di nav de li 25 cihan hatin daliqandin. Komên ku digotin, "Em naxwazin Erdoganê ku li welatê xwe demokrasiyê sînordar dike û rojnameger û parêzvanên mafên mirovan dixe zindanan, li welatê me reklamê bike."

Qeymeqamtiya Nurnbergê diyar kir ku di qanûn û rêziknameyên derbarê afîşan de "qedexe" tune û diyar kir, divê destûr bidin afîşan. Niha jî yasaya ku girêdayî yasaya pêwendîdar e, tê guhertin.

Di rêziknameya nû de tê gotin ku "Ji ber hilbijartin û dengdana li welatên din standên agahdarkirina taybet, afîş, pankart, reklam-promosyonên din ji bo partî û komên hilbijêran nayên qedexekirin." Rêziknameya nû wê roja Çarşemê ji hêla Rêveberiya Bajarê Nurnbergê ve bikeve meriyetê.

Tê payîn ku ev biryar li gelek bajarên Almanyayê bibe mînak. Herwiha li Munchenê hem alîgirên AKPê û hem jî yên CHPê stand vekirin û li ser hilbijartinên Tirkiyeyê propaganda kirin. Di hilbijartinên pêş de êdî destûr nayê dayîn ku xebatên wiha bên kirin.