Ermenîstan: Rêhesina Tirkiyeyê bo bazirganî vebû

RûpelNews - Serokwezîrê Ermenîstanê Nikol Paşînyan ragihand ku piştî rêya Azerbaycanê, girêdana rêhesinê ya bi rêya Gurcistanê ber bi Tirkiyeyê ve niha ji bo hinarde û hawirdeya Ermenistanê hatiye vekirin.

Paşînyan di daxuyaniyekê de ku li ser hesabê xwe yê medyaya civakî parve kir got: "Ez bi kêfxweşî radigihînim ku li pey xeta hesinî ya Azerbaycanê, rêhesina Tirkiyeyê ya bi rêya Gurcistanê niha ji bo hinarde û hawirdeya Ermenistanê vekiriye. Ev ji bo jiyana aborî ya welatê me pêşketineke mezin e. Em spasiya hevkarên xwe yên li Tirkiye û Gurcistanê dikin ji bo hevkariya wan."

Berdevkê Wezareta Karên Derve ya Komara Tirkiyeyê Oncu Keçeli jî di 13ê Gulanê de di parvekirineke medyaya civakî de ragihand ku amadekariyên burokratîk ji bo destpêkirina bazirganiya rasterast a di navbera Tirkiye û Ermenistanê de hatine temamkirin.