Êrîş li Konsulxaneya Îmaratê ya Hewlêrê hat kirin

RûpelNews - Îro li parêzgeha Hewlêrê di êrîşan de ji zêdetirî 10 dronan hatin bikaranîn. Konsulxaneya Îmaratê yek ji armancên êrîşan bû. Hat ragihandin ku di bûyerê de du kes birîndar bûn.

Konsulxaneya Îmaratê ya li Hewlêrê berê jî rastî êrîşeke bi vî rengî hatibû.

Di 10ê vê mehê de, droneke din li nêzîkî konsulxaneyê ketibû xwarê û zirareke madî gihandibû avahiyê.

Wezareta Karên Derve ya Îmaratê bûyer wekî gefeke cidî li ser ewlehî û aramiya herêmê bi nav kiribû. Wezaretê herwiha bang li rayedarên Îraqê û Herêma Kurdistanê kir ku lêpirsîneke berfireh bidin destpêkirin ji bo naskirina sûcdarên van êrîşan û misogerkirina ku ew li gorî yasayê bi awayekî herî tund bên cezakirin.

Di vê navberê de, li gorî daneyên Rûdawê, heta îro zêdetirî 316 êrîşên bi dron û mûşekan li dijî Herêma Kurdistanê hatine kirin.