Erdogan, Nêçîrvan Barzanî pîroz kir û wî vexwend Tirkiyê

PeyamaKurd - Serokomarê Tirkiyê Recep Tayyip Erdogan pîrozbahî li Serokê hilbijartî yê Herêma Kurdistanê Nêçîrvan Serok Barzanî kir.

Li gorî daxuyaniya Serokatiya Ragihandinê ya Serokomariya Tirkiyê, Erdogan bi Serokê hilbijartî yê Herêma Kurdistanê Nêçîrvan Serok Barzanî re peywendiyeke telefonî encam da. Di wê peywendiya telefonî de Erdogan pîrozbahî li Nêçîrvan Barzanî kir.

Di beşeke din a vê peywendiya telefonî de Erdogan tekezî li ser berdewambûna piştgiriya Komara Tirkiyê bo Herêma Kurdistanê û Iraqê û Nêçîrvan Barzanî di vê pêgeha nû de kir, herwiha Erdogan bi fermî Serokê Hilbijartî yê Herêma Kurdistanê Nêçîrvan Barzanî bo Tirkiyê vexwend ku di pêşerojê de serdana Tirkiyê bike, bi vê armancê ku ji nêzîk ve nêrînan li ser pêşvebirina bêtir a peywendiyan bi hev biguherin.

Nêçîrvan Barzanî jî ji ber vê peywendiya telefonî û peyama pîrozbahiyê spasiya Serokomarê Tirkiyê Recep Tayyip Erdogan kir û ragihand, Herêma Kurdistanê ji bo bêtir pêşvebirina peywendiyên navbera Herêma Kurdistanê û Tirkiyê di hemû waran de amade ye.

Nêçîrvan Barzanî di dengdana li Parlemantoya Kurdistanê ya 28ê Gulana 2019an ji 81 dengan dengê 68 kesan wergirt û wekî Serokê Herêma Kurdistanê hat hilbijartin.