el-Zeydî hefteya bê serdana Hewlêrê dike

RûpelNews - Li gorî nûçeya BasNewsê, Zêbarî diyar kir ku Elî el-Zeydî, ku bi avakirina hikûmeta federal hatiye erkdarkirin, "hefteya bê dê bigihêje Hewlêrê, li wir biryar e ku bi rêveberiya Partiya Demokrat a Kurdistanê re bicive".

Wî zêde kir ku "serdan dê pêşkêşkirina daxwazek fermî ji bo Partiya Demokrat a Kurdistanê ji bo vegera bo parlementoya Iraqê û beşdarbûna di hikûmeta federal de di nav xwe de bigire."

Zêbarî her wiha destnîşan kir ku "hemû blokên siyasî dizanin ku nebûna Partiya Demokrat a Kurdistanê di nav parlamentoya Iraqê de bûye sedema rewşek nehevsengiyê."

Divê bê zanîn ku bloka Partiya Demokrat a Kurdistanê li parlamentoya Iraqê di 18ê vê mehê de biryar dabû ku "rûniştinên parlamentoyê heta agahdariyeke din boykot bike", ji ber binpêkirinên eşkere yên destûr û qanûnan û paşguhkirina prensîbên şirîkatî, hevsengî û lihevkirinê.