Demir Çelik: Dibe ku dewlet carinan min û carinan jî kesên din bi kar bîne
RûpelNews - Parlamenterê berê yê HDPê yê Mûşê Demir Çelik, bû mêvanê kanala YouTubeê yê Erkam Tufan û gotinên balkêş kirin.
Di bernameyê de bûyerên xendekan ên ku di navbera salên 2015 û 2016an de li bajarên kurdan di navbera baskê ciwanan ê PKKê û hêzên dewletê de qewimîn, hatin nîqaşkirin.
Demir Çelik destnîşan kir ku hin gotin hene ku dibêjin bûyerên xendekan ji bo hin operasyonên dewletê hatine bikaranîn û wiha got: "Dewlet wiha ye; ew her tim amûr û rêbazên ku li gorî stratejiya wê ne bi kar tîne. Û dema ku ew wisa dike, dibe ku carinan min û carinan jî kesên din bi kar bîne."
Çelik wiha domand, "Ev ne li ser reşkirin an sûcdar kirina tevgereke tevahî, rêxistineke an jî gelekî ye."
Gotinên Demir Çelik li ser medyaya civakî bû sedema nîqaşê.
Bûyerên xendekan
Bûyerên xendekan, ku di Tebaxa 2015an de dest pê kirin û heta Adara 2016an berdewam kirin, bûn sedema wêrankirina gelek bajaran.
Di dema bûyeran de bi hezaran kesan jiyana xwe ji dest dan û bi sed hezaran sivîl neçar man ku koç bikin. Qedexeyên derketina derve ji bo demeke dirêj, bi taybetî li navçeyên Sur, Cizîr û Nisêbînê, berdewam kirin.
Baskên PKKê yên nav bajaran liv an cihan "xweserî" ragihandibûn.