Dayikên Aşitiyê bi Serokê CHPê Ozgur Ozel re civiyan

RûpelNews - Di hevdîtinê de ji şandeya Dayikên Aşitiyê Behiye Yalçin, Afîfe Kartal û Muzeyyen Butun cih girtin. Berdevka DEM Partiyê Ayşegul Dogan û Parlamentera Amedê ya DEM Partiyê Adalet Kaya jî bi şandeyê re bûn.

Di şandeya CHPê de ligel Serokê Giştî Ozgur Ozel, Alîkara Serokê Giştî ya Berpirsiyarê Polîtîkayên Hiqûqê Gokçe Gokçen û Endama Desteya Koordînasyonê ya Ofîsa Namzediya Serokkomariyê Emîne Uçak amade bûn.

Di hevdîtinê de mijara “Pêvajoya Aşitî û Civaka Demokratîk” hate nirxandin.
Şandeya Dayikên Aşitiyê dê îro serdaa AK Partiyê jî bikin.