Cîhan
Dadgeha Kerkûkê biryara darizandina tohmetbarên destdirêjiyê da
PeyamaKurd – Dadgeha Temyîzê ya Kerkûkê derbarê kesên destdirêjî li navçeya Pirdê, li jinekê kirine, biryara darizandinê derxist.
Dadgeha Kerkûkê ragihand ku dê kesên gumanbarên destdirêjiya wê jina kêmendam ji madeya 393yan a yasaya cezayan werin darizandin.
Li gorî zanyariyên medyayî kesên destdirêjî kiribûn û dîmenên wê êrîşê li ser medya civakî belav kiribûn, endamên Heşda Şeibî û yek kes jî polîsê iraqî bû ku Serok Mesûd Barzanî jî doh bi daxuyaniyekê bûyer bi tundî şermezar kiribû û xwestibû demildest ew kesên tohmetbar werin sizadan.