Bafil Talebanî peyama sersaxiyê ji bo Xameneyî weşand

RûpelNews - Serokê YNKê Bafil Talebanî peyamek li ser hesabên xwe yên medyaya civakî parve kir û got, "Bi navê Yekîtiya Niştimanî ya Kurdistanê, ez kûrtirîn serxweşiya xwe ji gelê Îranê û ji hemû kesên ku ji bo rêberê mezin Ayetullah Elî Xameneyî û rayedarên payebilind ên din ku di pevçûnên dawî şehîd bûne, şîn digirin re pêşkêş dikim. Em dizanin ku ev bûyerên vê dawiyê, malbat û civaka we û yên li derveyî we jî xembar kiriye."

Talebanî herwiha got ku, "Di vê dema sext û di meha pîroz a remezanê de, dil û fikrên me bi wan hemû kesên ku ji ber pevçûnan zirar dîtine re ne. Em baweriya xwe didomînin ku diyalog û serokatiya berpirsiyar tekane çareserî ne ji bo pêşîlêgirtina êşên zêdetir û bidestxistina aramiyeke mayînde li herêma me."

Bafil Talabani peyama xwe bi van gotinan bi dawî anî:

"Em ji bo kesên ku hezkiriyên xwe ji dest dane sersaxiyê dixwazin û hêvî dikin ku hemû serok di vê serdema hestiyar de bi şehrezayî, xwegirtin û pabendbûna bi aramiyê re tevbigerin."

Rêberê Îranê Xameneyî şeva borî di êrîşeke hewayî ya Îsraîlê de li Tehranê hat kuştin.