Azerbaycan dîplomatên xwe ji Îranê vekişand

RûpelNews - Wezîrê Derve yê Azerbaycanê Ceyhun Bayramov ragihand ku karmendên balyozxaneya li Tehranê û konsulxaneya giştî ya li Tebrîzê hatine valakirin.

Bayramov tekez kir ku ev gav ji bo ewlehiya karmendan hatiye avêtin.

Çi bibû

Duh, Balafirgeha Navneteweyî ya Naxçivanê li Komara Xweser a Naxçivanê ya Azerbaycanê ji aliyê balafirên bêpîlot ve hate hedefgirtin. Hat îdiakirin ku êrîş ji aliyê Îranê ve hatine kirin.

Lêbelê, Îranê ev îdia red kir. Di daxuyaniyekê de, Fermandariya Giştî ya Îranê tekez kir ku Îran rêzê li serweriya hemû dewletan, bi taybetî welatên Misilman û cîran digire, û diyar kir ku raporên li ser avêtina li ser Azerbaycanê ne rast in.

Serokê Azerbaycanê Îlham Eliyev êrîş wekî "kiryarek terorîstî" bi nav kir û got, "Em vê kiryara terorîstî, vê êrîşa li dijî Azerbaycanê qebûl nakin. Talîmat ji Hêzên me yên Çekdar re hatine dayîn ku çalakiyên tolhildanê amade bikin û pêk bînin." Wezareta Parastinê ya Azerbaycanê diyar kir, "Êrîş dê bêbersiv nemînin."