Rojhilata Navîn
Amerîkayê ragihand ku wê êrîşek li dijî Îranê pêk aniye
Fermandariya Navendî ya Dewletên Yekbûyî yên Amerîkayê (CENTCOM) ragihand ku wê "rêze-derbên xurt" li dijî Îranê pêk aniye. Di heman demê de, televîzyona fermî ya Îranê ragihand ku li bajarên başûrî Sirîk û Bendera Ebbasê dengê teqînan hatine bihîstin.
RûpelNews - Di daxuyaniyeke ku ji aliyê CENTCOMê ve hat weşandin de, hat ragihandin ku êrîş wek bersiv ji bo wan îdiayan hatine kirin ku Îranê sê keştiyên bazirganî yên ku di Tengava Hurmizê re derbas dibûn kiribûn armanc. Di daxuyaniyê de hat gotin ku kiryarên Îranê "bêsedem, xeternak û binpêkirineke eşkere ya agirbestê" ne.
Li Îranê dengê teqînan
Li gorî nûçeyeke televîzyona dewleta Îranê, li bajarokên Sirîk û Bendera Ebbasê yên li Parêzgeha Hurmûzganê, dengên teqînan li pey hev hatin bihîstin.
Di nûçeyê de hat gotin ku teqînên li Sirikê ji derdora gundê Tahiruyî dest pê kirine, û ku heta niha herî kêm heft teqîn li herêmê hatine tomarkirin.