Amerîkayê li Girava Harg a stratejîk a Îranê xist

RûpelNews - Di daxuyaniya xwe de, Trump got ku binesaziya petrolê ya li giravê bi qestî nehatiye armanckirin. Trump got, "Ji ber rêzgirtina ji mafên mirovan, min xwest ku binesaziya petrolê ya li giravê wêran nekim. Lêbelê, heke Îran an jî welatekî din destwerdanê li derbasbûna keştiyan a di Tengava Hurmuzê re bike, ez ê vê biryarê ji nû ve binirxînim."

Hin binkeyên serbazî û lojîstîk hatin bombebarankirin

Li gorî Ajansa Nûçeyan a Farsê, êrîşê hin cihên leşkerî û lojîstîkî yên li giravê kiriye armanc. Rapora ajansê diyar kir ku sîstemên parastina hewayî, baregeheke deryayî, birca kontrola balafirgehê û hangareke helîkopterê ya Şîrketa Neteweyî ya Nefta Deryayî ya Îranê hatine lêdan.

Îranê gef li Amerîkayê xwar

Lêbelê, artêşa Îranê bi tundî bertek nîşanî daxuyaniyên Trump da. Di daxuyaniyekê de, wan hişyarî da ku "hemû tesîsên neft û enerjiyê yên herêmî yên bi Amerîkayê ve girêdayî dê bên wêrankirin û bikin xwelî".

Îran %90ê petrola xwe ji vê giravê belavî bazara cîhanê dike

Girava Hargê, ku dikeve bakurê Kendava Besrayê, bi qasî 25 kîlometre dûrî peravên Îranê, wek yek ji girîngtirîn navendên derfirotina petrolê yên Îranê tê nasîn. Nêzîkî ji sedî 85 heta 90ê derfirotina petrola xav a welêt bi rêya vê giravê tê kirin. Li giravê herwiha tesîsên depokirina petrolê yên bi kapasîteya bilind jî hene.