Amerîkayê keştiya şer şand nêzî sînorê Kûbayê

RûpelNews - Rêveberiya Amerîayê ragihand ku wê keştiya hewavaniyê USS Nimitz (CVN 68) şandiye Karayîbê nêzîkî sînorê Kûbayê.

Derbarê mijarê de li ser platforma medyaya civakî ya Xê ji aliyê hesabê Fermandariya Başûr a Amerîkayê (SOUTHCOM) ve daxuyaniyekê hat weşandin. Di daxuyaniyê de hat ragihandin ku Amerîkayê keştiya hewavaniyê USS Nimitz ku Balafirgeha Hewayî ya Keştiya Hevgirtinê ya 17an a Hêzên Deryayî yên Amerîkayê (CVW-17) dihewîne, ligel keştiyên têkbir USS Gridley (DDG 101) û USNS Patuxent (T-AO 201), şandiye Karayîbê. Di daxuyaniyê de her wiha hat îdiakirin ku USS Nimitz "qabiliyeta xwe ya şerî" li seranserê cîhanê, ji Deryaya Taywanê heta Kendava Erebî nîşan daye.

Çi bûbû?

Trump gotibû piştî Îranê ew ê bala xwe bidin ser Kubayê û îdia kiribû ku Kûba "dewleteke têkçûyî" ye.

Serokê Kûbayê Miguel Diaz-Canel tekez kir ku Amerîka li hincetekê digere ku bi awayekî leşkerî destwerdanê li welatê wî bike û hişyarî da ku senaryoyeke wiha dê herêmê bike "deryaya xwînê".