Sîpor
Amedsporê ji bo Super Lîgê pêngava yekem avêt
Xebatên nûjenkirina qada tesîsê ya Amedsporê dest pê kirin. Beriya sezona Super Lîgê, makîneyên înşaetê gihîştin tesîsên Amedsporê û ji bo nûkirina erdê dest bi kar kirin.
RûpelNews - Amedspor ku derbasî Sûper Lîgê bû ji bo sezona bê ji niha ve dest bi xebatan kir. Digel ku amadekariyên ji bo kongreya giştî berdewam dikin, ji bo çakkirina tesîsên tîmê pêngava yekem hat avêtin.
Makîneyên înşaetê ketine avahiya tesîsên Şehmus Ozer ên Amedsporê û dest bi nûkirina qadê kirin.
Li gorî raporeke Amida Haberê, di heman demê de ku çîma kevn tê rakirin, karên nûjenkirinê tên plankirin da ku avahiya tesîsê ji bo sezonê amade be.
Gelek rahênerên sereke yên Amedsporê mijara qada rahênanê ya li Tesîsên Şehmus Özer anîbûn rojevê, lê cîhê giyayê sentetîk nehatibû guhertin. Tîma kesk û sor, ku ji bo destpêkeke xurt di Super Lîgê de armanc dike, niha beriya destpêka sezonê ji bo çareserkirina van kêmasiyan tedbîr girtine.