Ahmet Davutoglu: Birêz Barzanî piştevaniya aştiya herêmî dike

RûpelNews - Serokê Partiya Pêşerojê Ahmet Davutoglu, di çarçoveya serdana xwe ya Herêma Kurdistanê de bi Serok Mesud Barzanî re hevdîtin kir. 

Di daxuyaniyekê de li ser hesabê xwe yê Xê parve kir de, Davutoglu destnîşan kir ku hevdîtin di atmosfereke germ û dostane de pêk hatiye û lê zêde kir ku wan li ser geşedanên dawî yên li herêmê gotûbêj kiriye. 

Di daxuyaniya xwe de, Davutoglu got, "Dîyalog û hevkarî ji bo aştiya, aramî û bexteweriya hevpar a herêma me ji her demê zêdetir pêwîst in," û lê zêde kir ku wan encamên mirovî û siyasî yên şer, têkiliyên Tirkiye-Iraq û Tirkiye-Herêma Kurdistanê, û nêrînên li ser paşerojeke hevpar nirxandine.

"Giringîdanîna li ser şehrezayiya kolektîf û hevkariyê"

Davutoglu, spasiya Serok Barzanî ji bo mêvanperweriya wî kir û tekezî li ser girîngiya nirxandinên Serok Barzanî, yên ku beşdarî aştiya herêmî dibin, kir.

Davutoglu got, "Me careke din baweriya xwe dubare kir ku paşeroja herêma me dê ne bi pevçûnê, lê bi hevkariyê, û ne bi dabeşbûnê, lê bi şehrezayiya kolektîf were şekildan."