80. salvegera damezrandina PDKê li Bremenê tê pîrozkirin: Evin hûrgilî…

RûpelNews - Ev çalakiya berfireh ku bi organîzasyona Şaxa 6. ya Ewropayê û Lijneya Navçeya Hamburgê ya Partiya Demokrata Kurdistanê (PDK) pêk tê, wê di 16ê Tebaxa 2026an de, roja yekşemê, di navbera 15:00 û 21:00 de li salona StarPark Bremenê deriyê xwe ji bo beşdaran veke. Armanca vê pîrozbahiyê ew e ku kurdistaniyên ku li Almanya û çar aliyên Ewropayê dijîn, bîne cem hev.

Li diyasporayê kelecaneke mezin û ruhê yekîtiyê

Di metna vexwendina fermî û hûrgiliyên afîşê de ku ji aliyê rêveberiya şaxê ve ji RûpelNewsê re hatine şandin, hate diyarkirin ku pîrozbahi ji bo rûmet kirina têkoşîna 80 salî ya PDKê û pîrozkirina rojbûna Serok Barzanî bi coşeke mezin hatiye organîzekirin.

Rêveberiya Buroya 6. a PDKê di daxuyaniya xwe ya ji bo RûpelNewsê de diyar kir ku armanca sereke ya çalakiyê ew e ku ruhê yekîtiya neteweyî xurt bibe, dilsozên doza Kurdistanê bên cem hev û gelê li diyasporayê di çalakiyeke çandî ya bi coş de bicive. Di daxuyaniyê de hat gotin, "Em hemû gelê xwe vedixwînin vê roja watedar û bi heybet."

Çalakî û bernameya pîrozbahiyê

Piştî bernameya pêşwazîkirinê ya nîveka ewil a rojê, pîrozbahî dê bi konsert û çalakiyên çandî dewam bike. Li gorî agahiyên ku li ser afîşa çalakiyê hene, hunermendên hezkirî Sherif Omeri û Hama Shwani dê derkevin ser dikê û stranên xwe yên xweş ji bo beşdaran bibêjin. Bernameya ku dê di saet 15:00 de dest pê bike, piştî konsert, axaftin û çalakiyên pîrozbahiyê dê di saet 21:00 de bi dawî bibe.

Hûrgiliyên çûnûhatinê

Amadekariyên ji bo çalakiya ku dê di 16ê Tebaxa 2026an de, roja yekşemê, di saet 15:00 de li StarPark Bremen (Heerenholz 20, 28307 Bremen) dest pê bike, hatine qedandin. Beşdar dikarin bi riya xeta trenê ya RS1 û otobüsa hejmara 38 a ku ji Bremen Hauptbahnhof (gara serekî ya trênan) û Bremen Mahndorf derbas dibin, bi rehetî bigihin qadê.